|
PRESS
RELEASE - PULO EA MANGOLO A BOIKĒTO A SEHLOPHA SA BOELETSI BA THEKISO EA
KOPORASI EA MOTLAKASE EA LESOTHO
PRIVATISATION UNIT
2nd Floor
Lesotho Bank 1999 Mortage Division Bldg
Private Bag A249
Maseru.100
Contact: Makalo Ntšasa
Tel:317902 Fax:317551
For immediate Release
Wednesday, 22nd May, 2001
PULO EA MANGOLO A BOIKĒTO A SEHLOPHA SA BOELETSI BA THEKISO EA
KOPORASI EA MOTLAKASE EA LESOTHO
Hoseng ha kajeno Lekala la Phetisetso ea Likhoebo tsa ‘Muso Sechabeng le
butse ka molao mangolo a boikēto a lokisetsang ho thehoa ha Sehlopa sa
Boeletsi ba Thekiso ea Koporasi ea Lesotho ea Motlakase seo boikarabelo
ba sona e tla ba:
• Ho fana ka boeletsi malebana le ho itlhotlholla ha ‘Muso
litšebeletsong tsa Koporasi ea Motlakase ea Lesotho;
• Ho qetela meralo ea Lekhotla la Taolo ea Motlakase ho latela
setšoantšo sa molao sa selemo sa 2001 se kenyang tšebetsong Lekhotla la
Taolo la Motlakase (Lesotho Electricity Authority Bill 2001).
Ho khethoa hoa Sehlopa sa Boeletsi ba Thekiso ea Koporasi ea Lesotho ea
Motlakase ke ntšetso-pele ea Morero oa Tokiso ea Litšebeletso tsa Mehala
le Motlakase (Lesotho Utilities Reform Project). Morero ona, oo sepheo
sa ona e leng ho lokisa lefapha la motlakase, ho namisa phepelo ea
motlakase le ho qetela tokiso ea litšebeletso tse fanoang ke lefapha la
mehala ka hara naha, le tšehelitsoe ka lichelete ke Banka ea Lefatše,
Banka ea Ntšetso-pele ea Moruo ea Afrika le Linaha tse Ikopantseng tsa
Europa.
Tebello ke hore Sehlopa sa Boeletsi ba Thekiso ea Koporasi ea Lesotho ea
Motlakase sebe le litsebo tse phethahetseng lintlheng tse amanang le tsa
lefapha la motlakase, phetisetso ea likhoebo sechabeng esita le molao oa
machaba. Sehlopha sena se tla fana ka tšehetso ho ‘Muso ho fihlela
thekiso ena e phethahetse.
Pulo ena ea likēto e latetse Memo ea Likēto e neng e phatlalatsoe ka la
27 Motšeanong, 2001 e lebisoa ho litsebi tse latelang tse neng li
hloailoe pele:
• KPMG Consortium
• Nexant Consortium;
• PA Consulting Group Consortium;
• PricewaterhouseCoopers;
Baemeli ba lik’hamphani tsena ba bile teng pulong.
Nako ea ho koala likēto e ne e behetsoe la 22 Motšeanong, 2001 ka hora
ea bone mantsiboea. Nako ena e ile ea chechisetsoa ho la 23 Motšeanong,
2001 ka hora ea borobeli hoseng ho etsa hore liketo li buloe hang-hang
kamora moo.
Likēto li tla lekoloa hang-hang ke komitlana e thehiloeng ka batho ba
bahlano ba tsoang mafapheng a lokelang. Likēto tsa lichelete tsona li
tla buloa hang-hang kamorao hore tsa litsebo tse khethehileng li lekoloe.
|
